January 30, 2012

போலேநாத் உணவகம்

மிக மிக குறைந்த விலையில், திருப்தியாய் சாப்பிட ஏற்ற இடம், திருவான்மியூரில் இருக்கும் போலேநாத் ரெஸ்டாரெண்ட். நார்த் இண்டியன், சைனீஸ், சாட் என cuisine லிஸ்ட் நீண்டுக்கொண்டே போகிறது. ஞாயிற்றுகிழமைகளில் ஸ்பெஷல் தாலி மீள்ஸ் கிடைக்கிறது. 95 ரூபாய். ஜல்ஜீரா, ஜிலேபி, ரைத்தா (பூந்தி), சாலட், தால், மூன்று சப்ஜி (பாகற்காய், சோலே மசாலா, ஆலு மட்டர் மசாலா), கடி, ரொட்டி மற்றும் ஒயிட் ரைஸ். ஸ்வீட்டைத் தவிர எல்லாமே அன்லிமிடெட். அன்று எங்கள் ப்ளேட்டில் இருந்த அத்தனை ஐட்டமும் அட்டகாசமாய் இருந்தது. முக்கியமாய் கரேளா (பாகற்காய்) சப்ஜி. கசப்புடன், லைட்டான தித்திப்பும் புளிப்புமாய் அருமையாக இருந்தது. அடுத்து தால். தாலுக்கு ரொட்டி தொட்டு சாப்பிட்டுக்கொண்டிருந்தேன்:))

சூடான, மிருதுவான, நெய் தடவிய ரொட்டிகள். நெய் வேண்டாமென்றால் சொல்லிவிடலாம். நான் சாதம் வேண்டாமென்று சொல்லிவிட்டு ரொட்டிகளை ரவுண்டுக் கட்டிக்கொண்டிருந்தேன். ஜிலேபி ஒக்கே. ரொம்ப சின்ன உணவகம் தான். அதிகபட்சம் 25 அல்லது 30 பேர் அமரலாம். சர்வீஸ் கொஞ்சம் ஸ்லோதான். ரெண்டே பேர்தான் சர்வ் பண்ணிக்கொண்டிருந்தார்கள். பர்ஸிற்கு பங்கமில்லாமல், ஒரிஜினல் டேஸ்ட்டில், எண்ணைய் மிதக்காத க்ரேவிகளை சாப்பிட ஏற்ற இடம். சைனீஸ் ஐட்டம் எதையும் ட்ரை செய்யவில்லை. இந்த மாதிரி சின்ன உணவகங்களில் ஃப்ரைட் ரைஸ் நன்றாக இருக்கும். அடுத்த முறை முயற்சித்துப் பார்க்கனும்.

மேலதிக தகவல்கள்

உணவகம் - போலேநாத்
உணவு - நார்த் இண்டியன், சாட், சைனீஸ் Veg
இடம் - திருவான்மியூர். மருந்தீஸ்வரர் கோவில் பின்புறம் போகும் ரோடில், சிங்கப்பூர் ஷாப்பி என்றொரு கடை இருக்கிறது. அதையொட்டி போகும் ரோட்டில் இரண்டாவது பில்டிங். மாடியில்.
டப்பு - ரொம்பக் கம்மி. தாலி மீல்ஸ் 95ரூபாய். கூடுதல் நிம்மதியாய் 8% வரியெல்லாம் கிடையாது:))

பரிந்துரை - கண்டிப்பாக ட்ரை பண்ணலாம். மினிமம் டேஸ்ட் கேரண்டி

5 comments:

Porkodi (பொற்கொடி) said...

grrrrrrrr!

pudugaithendral said...

ஓகேய்ஸ். :)

CS. Mohan Kumar said...

நீங்க வழக்கமா படு காஸ்ட்லி ஹோட்டல் தான் introduce-செய்வீர்கள். இம்முறை சிக்கன விலையில் அறிமுகபடுத்தி உள்ளீர்கள். நன்றி

Raghu said...

வேளச்சேரி 100 அடி ரோடில் புதிதாக ஆரம்பித்திருக்கும் ‘அமராவதி’க்கு சமீபத்தில் போயிருந்தேன். ஆந்திரா ஸ்பெஷல். சூப்பரும் இல்லை, சுமாரும் இல்லை. ஒரு தடவை ட்ரை பண்ணலாம். அவ்வளவே.

வடபழனி சிம்ரன்’ஸ் ஆப்பக்கடையும் 100 அடி ரோடில் திறந்திருக்கிறார்கள். அடுத்த மாதம் ப்ளான் இருக்கிறது :)

Vidhya Chandrasekaran said...

நன்றி பொற்கொடி.
நன்றி புதுகைத் தென்றல்.

நன்றி மோகன் குமார் (அவ்வ்வ். படு காஸ்ட்லியெல்லாம் எப்பவாவது தான். அதுவும் அடுத்தவங்க காசுல சாப்பிடும்போதுதான்:)).

நன்றி ர‌கு (அமராவது வேஸ்ட். ஆரம்பிச்சபோது இருந்த ஸ்டாண்டர்ட் இப்ப இல்ல. திருவான்மியூர் எல்பி ரோட்ல அபிருச்சின்னு ஒரு ஆந்திரா ரெஸ்டாரெண்ட் இருக்கு. அங்க ட்ரை பண்ணி பாருங்க. சூப்பரா இருக்கும்)